Uma Lehe jutuvõistlus

10. jõulukuu pääval oll pidu kõigilõ, kes kiruti nalalidsi vai tõsitsit juttõ Uma Lehele. Saatusõ tahtõl mi pittu es jõua, külh saimi kätte kirutamisõ iist kingitüse. 5. klassi latsõ olli peris kipõ kirutaja. Kokku sai 16 tüüd võistlusvalmis. Ku häste lätt, sõs või naid esiki Uman Lehen lukõ. Kindla pääle saa naid varsti lukõ siin aoveebin.
Ja nüüd tennamisist:
Elotarkusõ kõrva taadõ pandmisõ eräpreemiä: «Kuis kassi minnu õks imestämä pandva» kirut Zopa Raido.
Ütidse ütenlüümise eräpreemiä: Parksepä kooli 5. klass üten oppaja Kär’e Enega. Saimi priipääsme Karilatsi Talumuuseumi üten giidi seletüisiga.
Egä kirutaja sai preemiäs Uma Pidu video, aukirä ja Võro-Setu tähtraamatu.
Aitümä kirutajailõ!

oppaja Ene Kärg