Võro luulõtaja Artur Adsoni (1889-1977) avvus peet latsi luulõlugõmisvõigõlus toimusi joba 13. kõrda. Loeti umbõs 13 võrokeelitse auturi luulõtuisi, kõge inämb kanti ette Artur Adsoni, Kauksi Ülle, Rihhard Iheri ja Contra loomingut. Timahavvadsõ olõngi tegi erilidses tuu, et seoilmaaignõ Sännä kirä- ja muusigamiis Sommeri Lauri kõnõl umast vahtsõst „Räestu raamatust“, kon omma ka päätükü „Arthur“ ja „Jaikiaana“.
Mi koolist olli lugõman 1.a klassist Marco, keä lugõsi Milvi Panga luulõtust "Üükulli tüüpäiv"; 3. klassist Talis, keä lugõsi Kauksi Ülle luulõtust "Pini tul´l kodo tagasi..." ja 6. klassist Enely, keä lugõsi Leila Holtsi luulõtust "Kuis varõs Jaak lugõma oppõ". Kõik mi latsõ loiva väega häste. Lugõmisõ iist saiva tenokirä, raamatu ja Nopri talu toodangut.
Aitüma kõigilõ, keä opsõva luulõtusõ pähä ja noilõ, keä avitivä oppi!